नेपालगन्ज १८ , भदौ
भेरी अस्पताल नेपालगन्ज प्रयोगशालामा गरिएको पिसिआर परीक्षणमा बिहिवार थप ४७ जनामा भाईरस संक्रमण पुष्टि भएको छ ।पछिल्लो २४ घण्टामा ४०३ नमुना परीक्षण गर्दा थप ४७ जनामा संक्रमण पुष्टि भएको अस्पतालले जनाएको छ ।
थप भएका संक्रमित मध्य नेपालगन्जका २० र कोहलपुरका १९ गरि बाँकेका मात्र ३९ रहेको बाँकेका प्रमुख जिल्ला अधिकारी राम बहादुर कुरुम्बाङले आफ्नो फेसबुक मार्फत जानकारी दिनुभएको छ ।
त्यस्तै भेरीकै प्रयोगशालामा गरिएको परीक्षणमा बर्दियाका ८ जनामा संक्रमण पुष्टि भएको छ । ४ जना गुलरिया नगरपालिका , ३ जना मधुवन नगरपालिका र १ जना बाँसगढी नगरपालिकाका रहेको अस्पतालले जारी गरिएको सूचनामा उल्लेख छ ।
