सल्यान १८ , भदौ ।
सल्यान स्थित कपुरकोट बजार क्षेत्र सिल गरिएको छ । कपुरकोट गाउँपालिका सल्यानले बिहिबार एक सूचना जारी गर्दै बजार क्षेत्र सिल गरिएको जानकारी दिएको हो ।

गाउँपालिकाका कर्मचारी , स्वास्थ्यकर्मी र समुदाय स्तरमा कोरोना परीक्षणका लागि स्वाब संकलन गरिएकोमा धनवाङ स्वास्थ्य चौकी कपुरकोटमा कार्यरत एक स्वास्थ्यकर्मीमा कोरोना संक्रमण पुष्टि भएपछि गाउँपालिका स्तरीय विपद् व्यवस्थापन समितिको निर्णय अनुसार आज बिहिवार राति १० बजेपछि यही २५ गते राती १० बजेसम्म कपुरकोट बजार सिल गरिएको जारी सूचनामा उल्लेख गरिएको छ ।

उक्त समय कपुरकोट तरकारी बजार समेत बन्द रहने जनाईएको छ ।