नेपालगन्ज १३, भदौ ।
बाँकेमा शनिवार थप १० जना कोरोना भाइरस संक्रमणबाट मुक्त भएर घर फर्किएका छन् । शनिवार अख्तियारका कर्मचारी, नर्सिङ स्टाफसहित १० जना डिस्चार्ज भएसँगै बाँकेमा भाइरस संक्रमणबाट मुक्त हुनेको संख्या ७ सय ३ पुगेको छ ।
स्वास्थ्य कार्यालय बाँकेका कोरोना फोकलपर्सन नरेश श्रेष्ठका अनुसार अख्तियार दुरुपयोग अनुसन्धान आयोग बुटवल, सम्पर्क कार्यालय नेपालगन्जमा कार्यरत एक महिला कर्मचारी, नेपालगन्ज मेडिकल कलेज शिक्षण अस्पताल कोहलपुरमा कार्यरत स्वास्थ्यकर्मीसहित आज १० जना डिस्चार्ज भएका छन्।
साउन ३१ गते कोरोना संक्रमण पुष्टि भएपछि उनीहरुलाई बिभिन्न आइसोलेसनमा राखिएको थियो । बाँकेमा हालसम्म ९ सय ७५ जनामा कोरोना संक्रमण पुष्टि भएको छ । जसमध्ये, ६ जनाको मृत्यु भइसकेको छ । विभिन्न आइसोलेसनमा २ सय ६६ जना संक्रमित उपचाररत रहेको श्रेष्ठले बताउनुभयो ।
