काठमाडौ ६ भदौ ।
नेपालमा कोरोना भाइरसका ८१८ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा ८१८ संक्रमित थपिएका हुन् । जसमा २२० महिला र ५९८ पुरुष रहेका छन् ।
आजसम्म देशभर सक्रिय संक्रमितको संख्या १३ हजार १५५ रहेको छ ।पछिल्लो २४ घण्टामा देशभरका विभिन्न अस्पतालबाट २८१ जना डिस्चार्ज भएका छन् । त्यसैगरी हालसम्म १८ हजार ६३१ जना डिस्चार्ज भएका छन् ।
पछिल्लो २४ घण्टामा तीनजनाको मृत्यु भएको मन्त्रालयले जनाएको छ ।
