नेपालगन्ज ६, भदौ ।
बाँकेमा शनिबार थप १० जनामा कोरोना भाइरस संक्रमण पुष्टि भएको छ । भेरी अस्पताल प्रयोगशाला नेपालगन्जमा गरिएको पीसीआर परीक्षणमा कोहलपुरका पाँच, नेपालगन्जका तीन र जानकी गाउँपालिकाका दुईजनामा भाइरस संक्रमण पुष्टि भएको छ ।
कोहलपुरमा वडा नम्वर ११ का चारजना र एकजना १२ नम्वर वडाका छन् । त्यस्तै नेपालगन्जमा वडा नं.१, २ र १० का एकएक जनामा भाइरस संक्रमण देखिएको छ । जानकी गाउँपालिका ३ का २८ बर्षीया महिला र १३ बर्षीय बालकमा भाइरस देखिएको छ ।
भेरी अस्पतालमा पछिल्लो २४ घण्टामा ३ सय ५० नमुना परीक्षण गरिएकोमा एकजना बर्दियाका संक्रमित थपिएका छन् ।
