नेपालगन्ज ०४, भदौ ।
कोहलपुर नगरपालिका १ कौशिल्या नगर व्यारेकका १७ जना नेपाली सेनामा कोरोना भाइरस संक्रमण पुष्टि भएको छ । भेरी अस्पताल नेपालगन्जमा गरीएको पीसीआर परीक्षणमा पछिल्लो २४ घण्टाको विवरण अनुसार, बाँकेका २४ जना संक्रमित पुष्टि हुँदा नेपाली सेनाका १७ जना परेका हुन् ।
नेपालगन्जका एकजना स्वास्थ्यकर्मीलाई पनि भाइरस संक्रमण देखिएको छ । त्यस्तै जानकी गाउँपालिकाका ५ जना र नेपालगन्ज उपमहानगरपालिकाका एकजनामा पनि भाइरस संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
विहीबार थपिएका संक्रमितसहित बाँकेमा कुल संक्रमितको संख्या ७ सय ८७ पुगेको छ ।
