अछाम ०३, भदौ । 
अछाम क्षेत्र नम्बर २ बाट संघीय संसदमा निर्वाचित सांसद यज्ञबहादुर बोगटीलाई कोरोना संक्रमण भएकाे पुष्टि भएकाे छ।

ललितपुरमा कोठा लिएर बसेका उहाँको होम आइसोलेसन बस्न मिल्ने संरचना नभएकाले कीर्तिपुरस्थित आयुर्वेद अस्पतालको आइसोलेसनमा भर्ना हुनु भएको छ ।

नेकपाका महासचिव विष्णु पौडेलका पिएसओलाई पोजिटिभ देखिएपछि बोगटी र उहाँका पिएले पनि स्वाब दिनुभएको थियो। पीएको ३१ गते नै कोरोना पोजेटिभ रिपोर्ट आयो भने बोगटीको रिपोर्ट नेगेटिभ आएकाे थियाे। तर मंगलबार फेरि पोजेटिभ भएको रिपोर्ट आएपछि उहाँ आइसोलेसनमा भर्ना हुनु भएको छ ।

यसअघि संघीय संसद्का सांसद प्रदीप यादवलाई पनि कोरोना लागेको थियो । प्रदीप यादव भने कोरोनामुक्त भइसक्नु भएको छ ।