काठमाडौं ३२, साउन ।
मुलुकका दुई प्रमुख सुरक्षा संगठन नेपाल प्रहरी र सशस्त्र प्रहरी बलका ८४७ जनामा कोरोना संक्रमण देखिएको छ । त्यसमा नेपाल प्रहरीका दुई जना डिआइजी समेत परेका छन् ।
नेपाल प्रहरी अस्पताल, महाराजगञ्जका दुई प्रहरी नायब महानिरीक्षक (डीआईजी) मा संक्रमण भेटिएको हो । नेपाल प्रहरीका प्रवक्ता कुवेर कडायतले हाल प्रहरी प्रधान कार्यालय र हेक्वार्टर मातहतका इकाइमा गरी १५५ जनामा सक्रिय संक्रमण रहेको बताउनुभयो ।
अहिलेसम्म नेपाल प्रहरीका ६२० र सशस्त्र प्रहरीका २२७ जना गरी ८४७ जनामा कोरोना संक्रमण पाइएको हो । प्रहरीका २४० जना डिस्चार्ज भएका छन् भने सशस्त्रका १२७ जना डिस्चार्ज भएका छन् ।
