गुलरिया २८, साउन ।
बर्दियामा बुधवार थप तीन जना कोरोना भाइरस संक्रमित थपिएका छन् । गुलरिया नगरपालिकाका दुई र बढैयाताल गाउँपालिकाका एकगरी तीन जना संक्रमित थपिएका हुन् ।
भेरी अस्पताल नेपालगन्जमा गरीएको पीसीआर परीक्षणमा गुलरिया नगरपालिका वडा नं. ४ का २९ बर्षिय पुरुष र वडा नं.५ का बर्ष २९ कै पुरुषमा भाइरस संक्रमण पुष्टि भएको हो ।
यस्तै बढैयाताल गाउँपालिका–७ का ५३ बर्षका पुरुषमा पनि भाइरस देखिएको छ । योसँगै बर्दियामा कोरोना भाइरस संक्रमितको संख्या २ सय ६८ पुगेको बर्दियाका प्रमुख जिल्ला अधिकारी लिलाधर अधिकारीले स्वास्थ्य पेजलाई जानकारी दिनुभयो ।
