नेपालगन्ज २५, साउन ।
बाँकेमा कोरोनाबाट थप एकजनाको मृत्यु भएको छ । कोहलपुर नगरपालिका २ की ७० बर्षिया महिलाको कोरोना भाइरसबाट मृत्यु भएको बाँकेका सिडिओ रामबहादुर कुरुम्वाङले जानकारी दिनुभयो ।

उनको नेपालगन्ज मेडिकल कलेज शिक्षण अस्पताल कोहलपुरमा उपचारका क्रममा आइतवार तीन बजेतिर मृत्यु भएको हो । उनी शुक्रबार अस्पतालमा भर्ना भएकी थिइन् । योसँगै बाँकेमा कोरोनाबाट मृत्यु हुनेको संख्या तीन पुगेको छ।

यसअघि बैजनाथकी महिला र नरैनापुरका पुरुषले कोरानाबाट ज्यान गुमाएका थिए ।