पाल्पा २१, साउन ।
पाल्पा कोरोना संक्रमण मुक्त जिल्ला बनेको छ। रम्भा गाँउपालिकाका चारजना कोरोना संक्रमितहरू लुम्बिनी मेडिकल कलेजको कोभिड सेन्टरबाट डिस्चार्ज भएसँगै प्रदेश ५ को पहाडी जिल्ला पाल्पा कोरोना संक्रमण मुक्त जिल्ला बनेको जिल्ला स्वास्थ्य कार्यालयका सूचना अधिकारी ओमप्रकाश पन्थीले जानकारी दिनभयो ।
जिल्लामा हालसम्म ५ सय ६१ जना संक्रमण देखिएका मध्ये ५ सय ६० जना निको भएर घर फर्किसकेका छन्। संक्रमित पूर्वखोला गाउँपालिकाका एक जनाको भने मृत्यु भइसकेको छ।
जिल्लामा हालसम्म ३ हजार ९ सय ७ जनाको पिसिआर परीक्षण भएकोमा ५ सय ६१ जनामा संक्रमण देखिएको थियो। संक्रमितमध्ये ५ सय १५ जना पुरुष र ४६ जना महिला थिए।
