नेपालगन्ज: भेरी अस्पताल नेपालगन्जमा थप २३३ जनामा कोरोना भाइरस संक्रमण पुष्टि भएको छ । अस्पतालको पीसीआर प्रयोगशालाले पछिल्लो ३६ घण्टामा परिक्षण गरेका २८८ नमुना मध्य ८०.९ प्रतिशत अर्थात २३३ जनामा कोभिड संक्रमण पुष्टि भएको हो ।
संक्रमण पुष्टि हुनेहरुमा १३९ जना पुरुष र ९४ जना महिला रहेको अस्पतालले जारी गरेको सूचनामा उल्लेख छ । अस्पतालका अनुसार यो १३ बैशाखमा संकलन गरेको श्वाबको रिर्पोट हो ।
आज संक्रमण पुष्टि भएका मध्य सबैभन्दा धेरै बाँकेका २०८ जना, बर्दियाका १३ जना, कैलालीका २ जना, दाङका २ जना र अन्य जिल्लाका ८ जना रहेका छन् ।
बाँकेका २०८ जना संक्रमित मध्य नेपालगन्ज उपमहानगरपालिकाका मात्र १८२ जना रहेको अस्पताल प्रयोगशालाले जनाएको छ ।
यसैबिच बुधबार भेरी अस्पतालको प्रयोगशालाबाट कोभिड पुष्टि भएका अधिकांश युवा अवस्थाका रहेका छन् । लक्षण सहितका अधिकांश संक्रमित २० देखि ५० वर्ष उमेर समुहका छन् ।
