नेपालगन्जः अवतार देई कसौधन चौधराइन् ट्रस्टका अध्यक्ष राधेश्याम कशौंधनको कोरोना संक्रमणबाट निधन भएको छ ।
नेपालगन्ज उपमहानगरपालिका १० त्रिभुवन चोक निवासीका ६० वर्षीय कशौंधनको उपचारका क्रममा भेरी अस्पतालमा निधन भएको कशौंधन समाज बाँकेका अध्यक्ष नन्दलाल बैश्यले बताउनुभयो ।
कोभिड पुष्टिपछि उहाँ बैशाख १ गते अस्पताल भर्ना हुनुभएको थियो । उहाँको उपचारका क्रममा गएराती साढे १० बजे मृत्यु भएको हो ।
समाजका पूर्व कार्यसमिति सदस्य समेत रहेका राधेश्यामको निधनले कशौंधन समाजलाई ठूलो क्षती पुगेको पनि उहाँले बताउनुभयो ।
योसँगै बाँकेमा कोरोनाबाट मृत्यु हुनेको संख्या ८२ पुगेको छ ।
