नेपालगन्ज २५, कात्तिक ।
बाँकेका विभिन्न आइसोलेसन (संस्थागत तथा होम आइसोलेसन) बाट मंगलबार थप ३७ जना डिस्चार्ज भएका छन् ।
कात्तिक १५ गते कोरोना संक्रमण पुष्टि भएपछि आइसोलेट भएका १४ महिला र २३ पुरुष गरि ३७ जना आज मंगलबार डिस्चार्ज भएको जिल्ला कोभिड १९ संकट व्यवस्थापन केन्द्रका फोकल पर्सन नरेश श्रेष्ठले जानकारी दिनुभयो ।
योसँगै जिल्लामा संक्रमण मुक्त भई डिस्चार्ज हुनेहरुको कुल संख्या ३ हजार १२९ पुगेको छ । जिल्लाका २७२ जना २३ जना जिल्ला बाहिरका गरि २९५ जना विभिन्न आइसोलेसनमा स्वास्थ्य लाभ गरिरहेको श्रेष्ठले बताउनुभयो ।
अहिलेसम्म बाँकेका ३५ जनाको कोरोना संक्रमणका कारण मृत्यु भएको छ । त्यस्तै उपचारका लागि अन्य जिल्लाबाट बाँकेमा आई मृत्यु भएकाहरुको संख्या ३२ पुगेको छ ।
