नेपालगन्ज: स्वास्थ्य बीमा बोर्डको सर्भर डाउन हुँदा बिरामीहरुलाई सेवा लिन समस्या भएको छ ।
बीमा बोर्डको सर्भरमा प्राविधिक समस्या आएका कारण लुम्बिनी प्रदेशका अस्पताल तथा स्वास्थ्य संस्थामा बिरामीलाई समस्या भएको छ ।
सर्भर डाउन हुँदा बिलिङ, टिकेटिङ लगायतको सेवा प्रबाहमा विलम्ब भैरहेको अस्पताल प्रशासनले जनाएको छ ।
बीमा बोर्डको सर्भर डाउन हुँदाको असर लुम्बिनी, कर्णाली र सुदूरपश्चिमको प्रमुख प्रेषण भेरी अस्पताल नेपालगन्जमा सबैभन्दा बढी परेको छ ।
अस्पतालका प्रमुख मेडिकल सुपरिटेन्डेन्ट डा.नीराजन सुवेदीका अनुसार सर्भरमा आएको समस्याका कारण बिरामीहरु घण्टौ लाइनमा बस्नु पर्ने बाध्यता छ ।
यो अस्पतालको समस्या नभएर बीमा बोर्डकै सरोबरमा देखिएको समस्या भएकाले त्यतैबाट समाधान नगरिदासम्म सहज सेवा प्रबाह गर्न गाह्रो भरहेको प्रमुख मेडिकल सुपरिटेन्डेन्ट डा सुवेदी बताउँछन् ।
दाङको तुल्सिपुरस्थित राप्ती प्रादेशिक अस्पतालमा पनि सर्भर डाउनले सहज सेवा प्रबाहमा असर पारेको अस्पतालका मेडिकल सुपरिटेन्डेन्ट डा पदम अधिकारीले बताए ।
सर्भर डाउन हुँदा दुई मिनेटमा हुनु पर्ने काम पनि २० मिनेट लाग्ने गरेको छ उनले भने-`जसका कारण बिरामी घण्टौ लाइनमा बस्नु पर्ने बाध्यता भएको छ ।´
