नेपालगन्जः नेपालगन्जकी एक जना महिला सामुदायिक स्वास्थ्य स्वयंसेविका सिंहको निधन भएको छ । नेपालगन्ज उपमहानगरपालिका वडा नं. ७ की महिला सामुदायिक स्वास्थ्य स्वयंसेविका राधिका कुमारी सिंहको ४६ वर्षको उमेरमा निधन भएको हो ।

केही दिन देखि अस्वस्थ उनको भारतको लखनउमा उपचार भइरहेको थियो । उनको लखनउमै निधन भएको पारिवारिक स्रोतले जानकारी दिएको छ ।

समुदायको स्वास्थ्य सेवामा अतुलनीय योगदान पुर्‍याउँदै आएकी सिंहको निधनले एक जना कुशल महिला सामुदायिक स्वास्थ्य स्वयंसेविका उपमहानगरपालिकाले गुमाएको नेपालगन्ज उपमहानगरपालिका स्वास्थ्य महाशाखा प्रमुख रामबहादुर चन्दले बताए ।