नेपालगन्जः अन्तर्राष्ट्रिय कण्डम दिवसको अवसरमा नेपालगन्जमा अभिमुखिकरण तथा सडक नाटक प्रर्दशन गरिएको छ । स्वास्थ्य कार्यालय बाँके, गोपाला निना फाउण्डेसन, ए.एच.एफ नेपाल लगायतका सरकारी तथा गैरसरकारी संघसंस्थाहरुको आयोजना र व्यवस्थापनमा अभिमुखिकरण तथा सडक नाटक प्रर्दशन गरिएको हो ।

बाँकेमा रहेका स्पा संचालकहरुलाई बोलाएर अभिमुखिकरण कार्यक्रम गरिएको हो । स्पामा आएका सेवाग्राहीहरुमा यौनरोगको संक्रमण भए त्योबाट हुन सक्ने जोखिम न्यूनीकरण कसरी गर्न सकिन्छ भन्नेबारेमा उनीहरुलाई जानकारी प्रदान गरिएको थियो ।

गोपाल निना फाउण्डेसनका डा.तृप्तीपाल रमनले सहजीकरण गरेका थिए । अन्तर्राष्ट्रिय कण्डम दिवसको अवसरमा सुरक्षित यौन सम्पर्क र त्यसमा कण्डमको भूमिकाबारे सचेतना फैलाउने उद्देश्यसहित नेपालगन्जको बसपार्क क्षेत्रमा जनचेतनामूलक सडक नाटक अठोट प्रदर्शन गरिएको हो ।

स्वास्थ्य कार्यालय बाँकेको आयोजना, ए.एच.एफ नेपालको सहयोग तथा समाज सेवा संस्था नेपाल कोहलपुरको सहकार्यमा सडक नाटक प्रदर्शन गरिएको हो । कण्डम प्रदर्शनसँगै सर्वसाधारण, सवारी चालक लगायतलाई कण्डम वितरण गरिनुका साथै यसको फाइदा र आवश्यकताबारे जानकारी समेत गराइएको थियो ।