कोहलपुर: बाँकेको कोहलपुरस्थित कौशिल्या अस्पताल प्रा.लिले आफ्नो नवौं बार्षिक उत्सवका अवसरमा रक्तदान कार्यक्रम गरेको छ । लुम्विनी प्रदेशसभाका सदस्य वसन्ती अधिकारीको प्रमुख आतिथ्यतामा आयोजित कार्यक्रममा ३६ जनाले रक्तदान गरेका छन् ।
अस्पतालका कर्मचारी, स्वास्थ्यकर्मि लगायत अस्पताल संबद्ध शुभचिन्तकहरुले रक्तदान गरेको अस्पतालका प्रशासन प्रमुख शंकर न्यौपानेले जानकारी दिए । उनले रगतको अभाववाट कुनैपनि बिरामीले मृत्यु वरण गर्नु नपरोस भन्ने पवित्र भावनाकासाथ रक्तदान कार्यक्रम गरिएको उनले बताए ।

यसैगरि भोलि २९ गते अस्पताल हाताभित्र नि:शुल्क स्वास्थ्य शिविरको आयोजना गरिएको छ । शिविरमा आउने बिरामीहरुलाई नि:शुल्क रुपमा स्वास्थ्य चेकजाँच गरिने अस्पतालका प्रबन्ध सञ्चालक रामप्रसाद न्यौपानेले जानकारी दिए ।