नेपालगन्जः बागलुङमा मेडिकल व्यवसायी दुर्गा प्रसाईंमाथि मुक्का प्रहार भएको छ। बिहीबार दिउँसो करिब २ बजे बागलुङ सदरमुकाममा आफ्नो अभियानको कार्यक्रममा सहभागी हुँदा एक पुरूषले प्रसाईंमाथि मुक्का प्रहार गरेका हुन् ।
स्टेजमा उक्लिने क्रममा ती पुरूषले प्रसाईंमाथि मुक्का हानेका थिए । ती पुरूषलाई नियन्त्रणमा लिएको जिल्ला प्रहरी कार्यालय बागलुङका डिएसपी मदन केसीले जानकारी दिनुभयो ।
पक्राउ पर्नेमा बागलुङ नगरपालिका-७ का ३७ वर्षीय रामकान्त गौतम छन्। उनले किन हातपात गरेका थिए भन्ने नखुलेको डिएसपी केसीले बताउनुभयो ।यसअघि प्रसाईंमाथि काठमाडौंमा मोसो समेत दलिएको थियो।
