कोहलपुरः नेपालगन्ज मेडिकल कलेजका सहप्राध्यापक डा.रोमा बोरा सम्मानित हुनुभएको छ । कोहलपुर नगरपालिकाले आफ्नो १० औं स्थापना दिवसको अवसरमा डा.बोरालाई सम्मानित गरेको हो ।

कार्यक्रमका प्रमुख अतिथि तथा बाँके क्षेत्र नं ३ का प्रतिनिधिसभा सदस्य किशोरसिंह राठोर र नगर प्रमुख पूर्ण प्रसाद आचार्यले डा.बोरालाई सम्मानित गर्नु भएको हो ।

सिकलसेल एनिमिया तथा थालेसमिया रोगको पहिचान, उपचार र व्यवस्थापनमा डा.बोरा भूमिका उच्च रहेको कोहलपुर नगरपालिकाले उल्लेख गरेको छ । डा.बोरा बालरोग विशेषज्ञ समेत हुनुहुन्छ ।