नेपालगन्ज: ५५ वर्षीया महिला टेष्टट्युब बेवी पद्धतीबाट आमा बन्न सफल भएकी छन् । नर्भिक आइभिएफ सेन्टरमा एक वर्षको उपचारपछि ललितपुरकी बिमला रजकले स्वास्थ्य सन्तानलाई जन्म दिन सफल हुनु भएको हो ।
शल्यक्रियामार्फत शनिबार बच्चा निकालिएको र हाल बच्चा र आमाको स्वास्थ्य अवस्था सामान्य रहेको बताइएको छ।
नर्भिक आइभिएफको उच्च जोखिम व्यवस्थापन र उत्कृष्ट उपचार प्रक्रियाबाट सहजै रूपमा आइभिएफमार्फत ती महिलालाई आमा बनाउन सफल भएको नर्भिक आइभिएफ सेन्टरकी वरिष्ठ टेष्टट्युव बेवी बिशेषज्ञ डा. नुतन शर्माले बताउनु भयो ।
३० वर्षीय छोराको आकस्मिक निधन भएपछि रजक परिवार विक्षिप्त बनेको थियो । २७ वर्षपछि छोराको रूपमा अर्काे सन्तान आउँदा खुसीको सीमा नरहेको बिमलाले बताउनु भयो ।
नर्भिक आइभिएफमा उपचारका लागि आएका रजक दम्पत्तिले पहिलो प्रयासमै आइभिएफ पद्दतीबाट सन्तान जन्माउन सफल भएको डा. शर्माले जानकारी दिनु भयो ।
श्रीमतीको उमेर ५५ वर्ष र श्रीमानको उमेर ६८ वर्षको छ।
