नेपालगन्जः बाँकेमा आज थप ६ जनामा कोरोना भाइरस संक्रमण पुष्टि भएको छ ।
भेरी अस्पताल नेपालगन्जमा ५ र जमुनाह नाकामा १ जना गरी ६ जनामा भाइरस संक्रमण पुष्टि भएको जिल्ला कोभिड–१९ व्यवस्थापन केन्द्रका फोकलपर्सन तेज वलीले जानकारी दिनुभयो ।
संक्रमण पुष्टि भएका मध्य ेबाँकेका तीन छन् । अन्य तीन जना जिल्ला बाहिरका हुन् ।
योसँगै जिल्लामा कूल संक्रमितको संख्या २१ हजार २ सय ७७ पुगेको छ ।
यस्तै आज थप ६ जना निको भएका छन् । योसँगै निको हुनेको संख्या २० हजार ८ सय ४३ पुगेको छ ।
जिल्लामा कूल सक्रिय संक्रमितको संख्या ८१ रहेको फोकलपर्सन वलीले बताउनुभयो ।
भेरी अस्पतालको कोभिड वार्डमा ५ जना उपचारत रहेका छन् । उनीहरु अधिकांशले कोभिड विरुद्धको खोप नलगाएको पाइएको पनि वलीले बताउनुभयो ।
