काठमाडौं: सरकारले दोस्रो चरणमा देशका विभिन्न ५० जिल्लाका ५ वर्षमाथि र १२ वर्षमुनिका बालबालिकालाई कोभिड १९ विरुद्धको फाइजर खोप दिने भएको छ । स्वास्थ्य तथा जनसंख्या मन्त्रालयका अनुसार भदौं ५ गतेदेखि भदौं ११ गतेसम्म बालबालिकाहरुलाई फाइजरको पहिलो खोपको मात्रा दिइने छ । त्यस्तै भदौ २७ देखि असोज १ गतेसम्म खोपको दोस्रो दिने कार्यक्रम तय गरिएको छ ।

लुम्बिनी प्रदेशका कपिलबस्तु, अर्घाखाँची, गुल्मी, पाल्पा, प्युठान, रोल्पा र पूर्वी रुकुममा यो कार्यक्रम सुरु हुनेछ । त्यस्तै कर्णाली प्रदेशका पश्चिम रुकुम, सल्यान, डोल्पा, हुम्ला, जुम्ला, कालिकोट, दैलेख, मुगु र जाजरकोटमा भदौं ५ गतेदेखि भदौं ११ गतेसम्म बालबालिकाहरुलाई फाइजरको पहिलो खोपको मात्रा दिइने छ ।

मन्त्रालयले कतिपय स्थानीय तहले खोपको उपलब्धता र सहजताका आधारमा खोप दिने भएकाले थप जानकारीका लागि नजिकैको वडा कार्यालय वा विद्यालयमा सम्पर्क गरी खोप लगाउन भनेको छ।