नेपालगन्जः कोरोना भाइरस संक्रमणबाट नेपालगन्जस्थित भेरी अस्पतालमा थप एक जनाको मृत्यु भएको छ । छायानाथ रारा नगरपालिका वडा नम्बर ७ मुगुका ५७ वर्षीय पुरुषको मृत्यु भएको हो ।
भेरी अस्पतालमा फागुन १ गते पीसीआर परिक्षण गर्दा उनलाई कोरोना पुष्टी भएको थियो । त्यसपछि फागुन ४ गते उनलाई भेरी अस्पतालमा भर्ना गरिएकोमा उपचारकै क्रममा शनिबार बिहान ८ बजेर ३० मिनेटमा मृत्यु भएको जिल्ला कोभिड १९ ब्यवस्थापन केन्द्र बाँकेका फोकल पर्सन तेज वलीले जानकारी दिनुभयो ।
यो सँगै बाँकेमा उपचारका लागि जिल्ला बाहिरबाट बाँकेमा आएका ४ सय ४९ जनाको मृत्यु भएको छ ।
