नेपालगन्जः कोरोना भाइरस संक्रमणबाट भेरी अस्पतालमा थप एकजनाको मृत्यु भएको छ । भेरीगंगा नगरपालिका ३ सुर्खेतका ९० वर्षीय पुरुषको शनिवार साँझ पौने सात बजे मृत्यु भएको जिल्ला कोभिड १९ व्यवस्थापन केन्द्रका फोकल पर्सन तेज वलीले जानकारी दिनुभयो ।

ती पुरुषलाई कोहलपुर मेडिकल कलेजमा २० गते कोभिड पुष्टि भएको थियो । त्यसको र्पिपल्ट उनी भेरी अस्पतालमा भर्ना भएका थिए । स्वास्थ्यमा सुधार नआउँदा उनको उपचारकै क्रममा मृत्यु भएको हो ।

उनले खोपको दुवै मात्रा पूरा गरेको बताइएको छ । योसँगै उपचारका लागि बाँकेका आएका बाहिरी जिल्लाका ४४५ जनाको मृत्यु भएको छ ।