नेपालगन्जः पछिल्लो २४ घण्टामा देशभर थप १ हजार ६६ जनामा कोरोना भाइरस संक्रमण पुष्टि भएको छ ।
८ हजार ५४० नमुनाको पीसीआर परीक्षण गर्दा ८३५ जना र २ हजार ८१८ नमुनाको एन्टिजेन विधिबाट परीक्षण गर्दा २३१ जना गरि कुल १ हजार ६६ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा कोरोना संक्रमणबाट थप १६ जनाको मृत्यु भएको छ भने १ हजार २३४ जना निको भएका छन् । देशभर २५ हजार ८२ जना सक्रिय संक्रमित रहेको मन्त्रालयको तथ्यांकमा उल्लेख छ ।
