नेपालगन्जः बाँकेमा आज थप २१ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा १५७ नमुना परीक्षण गर्दा थप २१ जनामा संक्रमण पुष्टि भएको हो । र, ती मध्ये ४ जना बालबालिका छन् ।
भेरीमा १९, कोहलपुर मेडिकल कलेजमा र बागेश्वरी प्रयोगशालामा ११ जनामा भाइरस संक्रमण पुष्टि भएको जिल्ला कोभिड व्यवस्थापन केन्द्रले जनाएको छ । संक्रमण पुष्टि भएका मध्ये बाँकेका १-१ जना छन् ।
ती मध्ये कोहलपुर नगरपालिकाका ८र नेपालगन्ज उपमहानगरपालिकाका ३ जना छन् । योसँगै बाँकेमा भाइरस संक्रमितको संख्या १८ हजार ५९ पुगेको छ ।
यस्तै आज थप ५ जना डिस्चार्ज भएका छन् । योसँगै डिस्चार्ज हुनेको संख्या १७ हजार ६ सय ५१ पुगेको छ । जिल्लामा सक्रिय संक्रमितको संख्या अहिले १०७ रहेको छ ।
यस्तै सिकिस्त बिरामीको संख्या १६ रहेको छ भने ४ जना भेन्टिलेटरमा छन् । २९ जना बिरामी भने मध्यम खाले भएको बताइएको छ ।
