नेपालगन्जः कोरोना भाइरस संक्रमणबाट भेरी अस्पतालमा आज थप एकजनाको मृत्यु भएको छ । घोडाघोडी नगरपालिका–२ कैलालीकी ३४ वर्षीया महिलाको उपचारका क्रममा विहान सवा ११ बजे मृत्यु भएको जिल्ला कोभिड–१९ व्यवस्थापन केन्द्रका फोकलपर्सन तेज वलीले जानकारी दिनुभयो ।
साउन २४ गते कोहलपुर मेडिकल कलेजमा उनको कोभिड पुष्टि भएको थियो । त्यसको भोलिपल्ट उनी भेरीको आइसोलेसन वार्डमा भर्ना भएकी थिइन् । स्वास्थ्यमा सुधार नआउँदा उनको मृत्यु भएको हो ।
योसँगै बाँकेमा उपचारका लागि आएका बाहिरी जिल्लाका ३ सय ८८ जनाको मृत्यु भएको छ ।
