नेपालगन्जः बाँकेमा आज थप ९ जनामा कोरोना भाइरस संक्रमण पुष्टि भएको छ । जिल्लाका दुईवटा प्रयोगशालामा ७२ नमुना परीक्षण गर्दा ९ जनामा भाइरस संक्रमण पुष्टि भएको हो ।
मेडिकल कलेज कोहलपुरमा ४४ नमुना परीक्षण गर्दा ७ जना र बागेश्वरी प्रयोगशालामा २८ नमुना परीक्षण गर्दा २ जनामा भाइरस संक्रमण पुष्टि भएको जिल्ला कोभिड व्यवस्थापन केन्द्रका फोकलपर्सन तेज वलीले जानकारी दिनुभयो ।
संक्रमण पुष्टि भएका मध्ये बाँकेका ३ जना छन् । योसँगै बाँकेमा भाइरस संक्रमितको संख्या १७ हजार ७ सय ५२ पुगेको छ । आज थप १५ जना डिस्चार्ज भएका छन् । योसँगै डिस्चार्ज हुनेको संख्या १७ हजार ३ सय ३० पुगेको छ ।
जिल्लामा सक्रिय संक्रमितको संख्या १३४ रहेको छ । ५९ महिला र ७५ पुरुषगरी जिल्लामा सक्रिय संक्रमितको संख्या १३४ रहेको वलीले बताउनुभयो । यस्तै सिकिस्त बिरामीको संख्या २० पुगेको छ । मध्यम बिरामी २३ हुँदा भेन्टिलेटरमा ५ जनाको उपचार चलिरहेको छ ।
