नेपालगन्जः कोरोना भाइरस संक्रमणबाट भेरी अस्पतालमा थप एक जनाको मृत्यु भएको छ । गेरुवा गाउँपालिका–५ बर्दियाका ७० वर्षीय पुरुषको उपचारका क्रममा गएराती मृत्यु भएको जिल्ला कोभिड व्यवस्थापन केन्द्रले जनाएको छ ।

उनलाई साउन ९ गते कोरोना संक्रमण पुष्टि भएको थियो । त्यसको दुई दिनपछि उनी भेरी अस्पतालको कोभिड वार्डमा भर्ना भएका थिए । उनको उपचारकै क्रममा गएराती मृत्यु भएको हो ।

योसँगै उपचारका लागि बाँकेका आएका बाहिरी जिल्लाका ३ सय ८१ जनाको मृत्यु भइसकेको छ ।