नेपालगन्जः कोरोना भाइरस संक्रमणबाट नेपालगन्जका एकजना पुरुषको मृत्यु भएको छ । नेपालगन्ज उपमहानगरपालिका–४ का ५८ वर्षीय पुरुषको आज विहान मृत्यु भएको हो । ती पुरुषलाई असार २३ गते कोभिड पुष्टि भएको थियो ।

होमआइसोलेसनमा बसिरहेका उनको स्वास्थ्य समस्या जटिल बन्दै गएपछि असार ३० गतेमात्रै भेरी अस्पतालको कोभिड वार्डमा भर्ना गरिएको थियो । उनको उपचारकै क्रममा विहान साढे ७ बजे मृत्यु भएको जिल्ला कोभिड–१९ व्यवस्थापन समितिका फोकलपर्सन तेज वलीले जानकारी दिनुभयो ।

योसँगै बाँकेमा भाइरस संक्रमणबाट मृत्यु हुनेको संख्या ३ सय २२ पुगेको छ ।