नेपालगन्ज : नेपालगन्ज मेडिकल कलेज शिक्षण अस्पताल बिक्रीको अन्तिम तयारीमा पुगेको छ । तर सम्झौता भने अझै भइसकेको छैन् ।
‘प्रोसेसमा छ तर अझै विक्री भएको छैन् कलेज उच्च स्रोतले भन्यो–‘विक्री भएको भए त नयाँ टिम आईहाल्थ्यो नी ?’ नोबेल मेडिकल कलेज र केएमसी मेडिकल कलेजका मालिक सुनिल शर्माले मेडिकल कलेजको ५१ प्रतिशत शेयर किन्न लागेको बताइएको छ ।
मेडिकल कलेजमा अहिले कनोडिया ग्रुपको बर्चश्व शेयर छ । कानुनी कुराहरु मिलाउन बाँकी नै छ स्रोतले भन्यो–‘५१ प्रतिशत शेयर बिक्री गर्ने मोटामोटी सहमति भने भएको छ ।’
तलव तथा भत्ता नपाएको भन्दै कर्मचारीहरु निरन्तर आन्दोलन गरिरहेका बेला अर्कोतिर मेडिकल कलेज बिक्रीको तयारी थालिएपछि उनीहरु आत्तिएका छन् ।
