काठमाडौं: शुक्रबार देशभर २ हजार २९९ जनामा कोरोना भाइरस संक्रमण पुष्टि भएको छ ।
विभिन्न पीसीआर प्रयोगशालामा ६ हजार ५६६ नमुना परीक्षण गर्दा १ हजार ३९१ जना र एन्टिजेन विधिबाट ४ हजार ३० नमुना परीक्षण गर्दा ९०८ जना गरि कुल २२९९ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा देशभर कोरोना संक्रमणबाट निको भएर ३ हजार ४५१ जना डिस्चार्ज भएका छन् । हालसम्म नेपालमा कोभिड संक्रमण पुष्टि भएका मध्य ६ लाख ३ हजार ६०० जना संक्रमणबाट निको भएका छन् ।
संक्रमणकै कारण गएको २४ घण्टामा थप ३४ जनाको मृत्यु भएको छ । हालसम्म कोभिडकै कारण ज्यान गुमाउनेहरुको संख्या ९ हजार १७९ पुगेको छ ।