नेपालगन्ज: भेरी अस्पताल नेपालगन्जमा कोरोना भाइरस संक्रमणका कारण थप दुईजना बिरामीको मृत्यु भएको छ ।
अस्पतालमा उपचारका क्रममा बारबर्दिया नगरपालिका-२ बर्दियाका ४५ वर्षीया महिला र खजुरा गाउँपालिका-३ बाँकेका ४३ वर्षीय पुरुषको मृत्यु भएको जिल्लाका कोरोना फोकलपर्सन तेज ओलीले जानकारी दिनुभयो ।
बारबर्दियाका ४५ वर्षीया महिला संक्रमण पुष्टि भएपछि जेष्ठ १९ गते अस्पतालमा भर्ना हुनुभएको थियो । त्यस्तै खजुराका पुरुषले बागेश्वरी ल्याबमा कोभिड परीक्षण गर्दा संक्रमण पुष्टि भएपछि थप उपचारका लागि जेष्ठ १ गतेदेखि अस्पताल भर्ना भएका थिए ।
योसँगै हालसम्म बाँकेमा कोरोना भाइरस संक्रमणका कारण जिल्ला बाहिरबाट उपचारका लागि आएका ३११ जना र जिल्लाकै ३०० जनाको मृत्यु भएको छ ।
