धनगढी: सुदूरपश्चिम प्रदेशमा शनिबार थप ४९० जनामा कोरोना भाइरस संक्रमण पुष्टि भएको छ । पीसिआर विधिबाट ३४० जना र एन्टिजेन विधिबाट परीक्षण गर्दा १५० जनामा संक्रमण पुष्टि भएको हो ।

प्रदेशको स्वास्थ्य सेवा निर्देशनालयका अनुसार गएको २४ घण्टामा प्रदेशभर कोभिड संक्रमण मुक्त भई १ हजार ४५ जना डिस्चार्ज भएका छन् । हालसम्म  प्रदेशमा कोभिड संक्रमण पुष्टि हुनेहरुको कुल संख्या ३८ हजार ८६३ पुगेको प्रदेशको स्वास्थ्य निर्देशनालयले जनाएको छ ।

हालसम्म संक्रमणबाट करिब २२ हजार ८५९ जना निको भएका छन् । कोरोना भाइरस संक्रमणका कारण प्रदेशमा थप ७ जनाको मृत्य भएको छ । योसँगै संक्रमणकै कारण सुदूरपश्चिम प्रदेशमा हालसम्म ज्यान गुमाउनेहरुको संख्या ४८७ पुगेको छ ।