नेपालगन्ज: बाँकेका दुईवटा प्रयोगशालामा शुक्रबार थप ६५ जनामा कोरोना भाइरस संक्रमण पुष्टि भएको छ। कुल १९३ नुमुना परीक्षण गर्दा ६५ जनामा संक्रमण पुष्टि भएको जिल्ला कोभिड व्यवस्थापन समितिले जनाएको छ ।
भेरी अस्पतालको पीसीआर प्रयोगशालाले आज रिर्पोट सार्वजनिक गरेको छैन । मेडिकल कलेज कोहलपुरमा ६६ नमुना परीक्षण गर्दा १४ जना र बागेश्वरी ल्याबमा १२७ नमुना परीक्षण गर्दा ५१ जना गरि कुल ६५ जनामा संक्रमण पुष्टि भएको हो । संक्रमण पुष्टि हुनेहरु मध्य १४ जना बाँकेका छन् ।
७ जना महिला र ७ जना पुरुष गरि जिल्लाका थप १४ जनामा संक्रमण पुष्टि भएको हो । हालसम्म बाँकेमा ७७ हजार ६१४ जनाको पीसीआर परीक्षण भएको छ ।
आज जिल्लाका ९४ जना डिस्चार्ज भएका छन्। ४६ जना महिला र ४८ जना पुरुष कोभिड संक्रमणबाट निको भएको समितिले जनाएको छ । गएको २४ घण्टामा कोभिड संक्रमणका कारण थप ८ जनाको मृत्यु भएको छ ।
जिल्लाका २ जना र जिल्ला बाहिरबाट उपचारका लागि आएका ६ जना गरि थप ८ जनाको मृत्यु भएको हो ।
