नेपालगन्ज: बाँकेका अस्पतालमा कोरोना भाइरस संक्रमित थप तीनजनाको मृत्यु भएको छ ।
नेपालगन्ज स्थित भेरी अस्पतालमा दुईजना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप तीनजना संक्रमित बिरामीको मृत्यु भएको अस्पतालहरुले जनाएका छन् ।
मृत्युहुनेहरुमा नेपालगन्ज उपमहानगरपालिका-२ का ५१ वर्षीय पुरुष, नेपालगन्ज उपमहानगरपालिका-१९ दाङका ५७ वर्षीय पुरुष र पुथा उत्तरगंगा-१० रुकुम पुर्वका ६० वर्षीय पुरुष हुनुहुन्छ ।
योसँगै कोरोना भाइरस संक्रमणका कारण हालसम्म बाँकेमा उपचारका लागि बाहिर जिल्लाबाट आएका १९९ जना र जिल्लाकै २४४ जनाको मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीले जानकारी दिनुभयो ।
