१. के राति दही खान हुन्छ?
• यथार्थ: राति दही खान नहुने कुनै नियम छैन। रातिको खाना (डिनर) मा दही खानु सुरक्षित हुन्छ र यो पाचनका लागि पनि राम्रो मानिन्छ।
• सावधानी: धेरै तेल-मसला भएको खाना वा चिनीसँग भने दही नखादा राम्रो हुन्छ।
२. के दही खाँदा रुघा लाग्छ?
यथार्थ: दही खाँदा कफ (म्युकस) बन्दैन र यसले श्वासप्रश्वास सम्बन्धी कुनै संक्रमण पनि गराउँदैन। दही खाँदा रुघा लाग्छ भन्ने कुराको कुनै वैज्ञानिक आधार छैन।
• अपवाद: यदि कसैलाई दहीसँग संवेदनशीलता छ भने मात्र असहज हुन सक्छ।
३. के दही खाँदा तौल बढ्छ?
• यथार्थ: दहीले तौल बढाउँछ भन्नु ठूलो भ्रम हो। यसमा प्रोटिन र प्रोबायोटिक्स प्रशस्त हुन्छ, जसले पेट लामो समयसम्म भरिएको महसुस गराउँछ र मेटाबोलिजमलाई सहयोग गर्छ। त्यसैले दहीले तौल घटाउन मद्दत गर्छ।
४. के खानासँग दही खानु हुँदैन?
• यथार्थ: नेपाली खानामा दही पनि साथमै पस्किने चलन छ। खानासँग दही खाँदा यसले रगतमा सुगरको मात्रा एक्कासि बढ्न दिँदैन र शरीरले पोषक तत्वहरू राम्रोसँग लिन मद्दत गर्छ।
५. पाचनका लागि कस्तो हुन्छ?
• यथार्थ: ताजा दही पाचनका लागि एकदमै राम्रो हुन्छ। यसले आन्द्राको स्वास्थ्य राम्रो बनाउँछ।
• सावधानी: धेरै अमिलो वा बासी दही धेरै खाएमा भने पाचनमा समस्या भएकाहरूलाई गाह्रो हुन सक्छ।
६. के मधुमेह का बिरामीले दही खान मिल्छ?
• यथार्थ: चिनी नराखेको सादा दहीको ग्लाइसेमिक इन्डेक्स कम हुन्छ। यसले इन्सुलिन सेन्सिटिभिटीलाई राम्रो बनाउन मद्दत गर्छ। त्यसैले मधुमेहका बिरामीले दही खान मिल्छ, तर ठिक्क मात्रामा मात्र खानुपर्छ।
