फ्याटी लिभर (कलेजोमा बोसो बढ्ने) एक खतरनाक समस्या हो। यो समस्या कलेजोको कोषहरूमा अतिरिक्त बोसो जम्मा भएपछि हुन्छ। सुरुमा यसका लक्षण हल्का हुन्छन्। यस्तै थकान, पेटमा भारीपन वा कमजोरी हुनु पनि यसका लक्षण हुन्।
सामान्यतया मानिसहरू यसको सुरुवाती लक्षण पहिचान गर्न सक्दैनन्। फ्याटी लिभरको समस्या बढेपछि मात्रै थाहा हुन्छ। यसलाई बेवास्ता गरियो भने लिभर सिरोसिस, मधुमेह र मुटु रोग जस्ता गम्भीर रोग निम्त्याउन सक्छ। तर ५ तरकारी खायो भने केवल ३ महिनामा यसलाई सुधार गर्न सकिन्छ।
पालुङ्गो स् पालुङ्गोमा भिटामिन ई, सी र फाइबर हुन्छ। यसले कलेजोलाई क्षति र सूजनबाट बचाउँछ। यसलाई दैनिक खाँदा इन्सुलिन संवेदनशीलता बढाएर कलेजोमा बोसो जम्मा हुनबाट रोक्छ। यसलाई खाँदा हाम्रो पाचन पनि सुधार हुन्छ। यसले कलेजोमा बोसोको मात्रा घटाउँछ।
ब्रोकाउली स् तपाईंलाई फ्याटी लिभर छ भने ब्रोकाउली खानु राम्रो हुन्छ। यसमा पाइने ग्लुकोसिनोलेट्सले कलेजोलाई डिटोक्स गर्न र बोसो घटाउन मद्दत गर्छ। यसले कलेजोको सूजन र अक्सिडेटिभ तनाव कम गर्छ र ब्याक्टेरिया संक्रमणको जोखिम पनि कम गर्छ।
ब्रसेल्स स्प्राउट्स स् ब्रसेल्स स्प्राउट्समा पाइने इन्डोलले कलेजोमा बोसो जम्मा हुनबाट रोक्छ र विषाक्त पदार्थ हटाउने प्रक्रियालाई तीव्र बनाउँछ। यसका साथै यसलाई खाँदा कलेजोको इन्जाइम सन्तुलित रहन्छ र कलेजोको क्षति कम हुन्छ। यदि तपाईंले यसलाई दैनिक खानुभयो भने फ्याटी लिभरको जोखिम उल्लेखनीय रूपमा कम गर्न सकिन्छ।
केल स् एन्टिअक्सिडेन्ट र म्याग्नेसियमले भरिपूर्ण केल फ्याटी लिभरको लागि पनि लाभदायक छ। यसलाई दैनिक खाँदा कलेजोको इन्जाइम सामान्य रहन्छ र बोसो जम्मा हुनबाट रोक्छ। यसमा पाइने नाइट्रेटले रक्तसञ्चार सुधार गर्छ र कलेजोको सूजन कम गर्छ।
गाजर स् गाजरमा पाइने बिटा क्यारोटिनले कलेजोका कोषहरूलाई भिटामिन ʻएʼमा रूपान्तरण गरेर मर्मत गर्छ। गाजरमा फाइबर हुन्छ। यसले रगतमा चिनी नियन्त्रण गर्छ। गाजर खाँदा कलेजोमा जम्मा भएको बोसो बिस्तारै कम हुन्छ र मेटाबोलिज्ममा सुधार हुन्छ। यसले तौल घटाउन पनि मद्दत गर्छ।
पालुङ्गो, ब्रसेल्स स्प्राउट्स, केल, गाजर र ब्रोकाउली खानाले केवल ३ महिनामा फ्याटी लिभर कम हुन्छ। सही जीवनशैलीसँगै सही आहार अपनाएर कलेजोको बोसो घटाउन सकिन्छ।
