नेपालगन्ज: नेपालगन्ज उपमहानगरपालिका वडा नं.५ फुल्टेक्रास्थित ब्रिनोज कान स्वास्थ्य सामुदायिक सेवाको टोलिले सुर्खेत वीरेन्द्रनगरमा पुगेर प्राथमिक आँखा तथा कान उपचार सेवा प्रदान गरेको छ ।
नेपाल रेडक्रस सोसाइटी उत्तरगंगा उपशाखाको आयोजना तथा वीरेन्द्रनगर नगरपालिकाको आर्थिक सहयोगमा जगन्नाथ प्राथमिक विद्यालयमा आयोजना गरिएको शिविरमा १९३ जनाले सेवा लिएका थिए । ती मध्ये ११२ जना महिला र ७२ जना पुरुष रहेका थिए ।
शिविरमा चेकजाँच गराएका मध्ये १५ जनामा कान पाक्ने समस्या देखिएको थियो भने ६ जनालाई थप उपचारका लागि रिफर गरिएको उपचार संलग्न ब्रिनोज कान स्वास्थ्य सामुदायिक सेवाका आउट रिच इन्चार्ज भिषण थारुले जानकारी दिए । उनीसँगै तिर्थमान थारूले शिविरमा आएकालाई सेवा दिएका थिए ।
