नेपालगन्जः स्वास्थ्य मन्त्रालयको अतिरिक्त सचिवमा डा.केशर ढकाल र डा.श्रीकृष्ण श्रेष्ठ बढुवा भएका छन् ।

सरकारले स्वास्थ्य तथा जनसंख्या मन्त्रालयमा रिक्त रहेको १२ औं तहको अतिरिक्त सचिवमा डा ढकाल र डा. श्रेष्ठलाई बढुवा गर्ने निर्णय गरेको छ ।

सोमबार बसेको मन्त्रिपरिषद्को बैठकले ढकाल र श्रेष्ठलाई बढुवा गर्ने निर्णय गरेको छ । बढुवा समितिले सिफारिस गरेका तीन जनामध्ये ढकाल र श्रेष्ठ अतिरिक्त सचिवमा बढुवा भएका हुन् ।

ढकाल र श्रेष्ठ सहित डा सुधा देवकोटाको नाम पनि अतिरिक्त सचिवमा बढुवाका लागि सिफारिस गरिएको थियो । सुधाको नाम तेस्रो नम्बरमा सिफारिस भएको थियो ।