यदि तपाईँ सधैँ थकित महसुस गर्नुहुन्छ, धेरै नखाइ तौल बढ्दै छ, वा तपाईंको मुड बारम्बार परिवर्तन भइरहेको छ भने यी सबै लक्षणहरू थाइराइडसँग सम्बन्धित हुन सक्छन् ।
विशेष गरी हाइपोथायरायडिजम्, जसमा थाइराइड ग्रन्थीले कम हर्मोन उत्पादन गर्छ । यसका चार मौन लक्षणहरू र तिनीहरूलाई समाधान गर्ने सजिलो उपायहरू जानौँ ।
१. निरन्तर थकान
राम्रो निद्रा लागेपछि पनि थकित महसुस हुन्छ भने, तपाईंलाई थाइराइडको समस्या हुन सक्छ ।
के गर्ने?
आफ्नो खानामा आयोडिन र सेलेनियम समावेश गर्नुहोस् । जस्तै ः अण्डा, आयोडिनयुक्त नुन, सूर्यमुखी र फर्सीको बीउ ।
२. बिना कारण तौल बढ्नु
यदि कुनै कारण बिना तौल बढिरहेको छ भने, यो थाइराइडको कमीको कारणले हुन सक्छ । यसका कारण मेटाबोलिज्म सुस्त हुन्छ ।
के गर्ने?
एभोकाडो वा जैतुनको तेल जस्ता प्रोटिन र हेल्दी फ्याट खानुहोस् । चिनीयुक्त र प्रशोधित खानाबाट बच्नुहोस् ।
३. सुख्खा छाला, कपाल झर्नु
यदि तपाईंको छाला सुख्खा हुँदै गइरहेको छ वा तपाईंको कपाल सजिलै टुक्रिरहेको छ भने यो पनि थाइराइड फङ्सनको संकेत हो ।
के गर्ने?
चिया सिड्स, ओमेगा–३ फ्याटी एसिड खानुहोस् । प्रशस्त पानी पिउनुहोस् ।
४. चिसो सहन सकिँदैन
यदि तपाईंलाई अरूको तुलनामा सामान्यभन्दा बढी जाडो महसुस हुन्छ भने यो हाइपोथाइराइडिजम्को लक्षण हो ।
के गर्ने?
हरेक दिन हिँड्नुहोस्, हल्का व्यायाम गर्नुहोस् ।
यी ३ तरिकाले थाइराइड नियन्त्रण गर्न सकिन्छ :
ग्यास्ट्रोजनिक खानेकुराहरू कम गर्ने : बन्दा, काउली, ब्रोकाउली र सोयाबिनको अत्यधिक सेवनबाट बच्नुहोस् । तिनीहरूलाई पकाएपछि मात्र खानुहोस् ।
तनाव व्यवस्थापन गर्नुहोस् : तनावले कोर्टिसोल बढाउँछ, जसले थाइराइडलाई क्षति पुर्याउँछ । यसलाई कम गर्नु आवश्यक छ ।
डिफिसिएन्सीको जाँच गराउनुहोस् : समय–समयमा शरीरको आयोडिन, सेलेनियम, जिंक र आइरनको जाँच गराउनुहोस् ।
