गुल्मीः लुम्बिनी प्रदेशका पूर्व स्वास्थ्य मन्त्री राजु खनालले स्वास्थ्य क्षेत्रमा सुधार ल्याउन आवश्यक रहेको बताएका छन् । नेपाली कांग्रेस लुम्बिनी प्रदेश उपसभापति समेत रहेका पूर्व स्वास्थ्य मन्त्री खनालले गुल्मी सदरमुकाम तम्घासमा भएको कांग्रेसका नेताहरूसँगको छलफलमा सो कुरा बताएका हुन् ।

पूर्वमन्त्री खनालले स्वास्थ्य सेवालाई निःशुल्कसँगै स्तरमा पनि राम्रो बनाउन सबै तह लाग्न जरुरी रहेको बताए । स्वास्थ्यमा गुणस्तरीय सेवा प्रदान गर्नुका साथै विशेषज्ञ सेवा प्रदान गर्नका लागि विशेषज्ञलाई थप सुविधाको व्यवस्था गर्न जरुरी रहेको बताए। प्रदेश सरकारले स्वास्थ्य क्षेत्रमा सुधार ल्याउन विशेष ध्यान दिन आवश्यक रहेको बताए ।

सरकारले स्वास्थ्य बिमालाई निकै गम्भीरतापूर्वक व्यवस्थित गर्न जरुरी रहेको भन्दै उनले आमनागरिकलाई स्वास्थ्य सेवासँग जोड्ने नीति कार्यक्रम ल्याउन आवश्यक रहेको बताए । विपन्न, गरिब र असहायलाई स्वास्थ्य सेवाको पहुँचमा ल्याउनुपर्ने धारणा राखेका थिए । स्वास्थ्य क्षेत्रमा सुधार हुने गरी बजेट ल्याउनु अहिलेको आवश्यकता रहेको उनको भनाइ छ ।