नेपालगन्जः रेडियो कृष्णसार एफएम ९४ मेगाहर्जले आफनो १६ औं वर्षको बार्षिकोत्सवको अवसरमा विहीबार आयोजित रक्तदान कार्यक्रममा ३ महिला सहित ११ जनाले रक्तदान गरेका छन् । रेडियो कृष्णसार एफएमले चैत्र १४ गते आफ्नो १६ वर्ष पूरा गरीे १७ वर्ष प्रवेश गरेको अवसरमा रक्तदान कार्यक्रमको आयोजना गरेको थियो ।

रेडियोका कार्यकारी प्रमुख तुलाराज अधिकारी, कृष्णराज अधिकारी लगायतल प्रादेशिक रक्तसंचार केन्द्र नेपालगन्जका प्रमुख उपेन्द्र रेग्मी, सोम प्रकाश सापकोटा, महेश राना क्षेत्री र हिरा बिकलाई रगत संकलन गर्ने पाकेट हस्तान्तरण गरी कार्यक्रमको उद्घाटन गरेका थिए । रेडियोका कार्यकारी प्रमुख तुलाराज अधिकारी, समुदायका लागि संचार अभियान नेपालका अध्यक्ष माधवराज अधिकारी, सचिव साबित्री गिरी, कोषाध्यक्ष तथा अवधी पत्रकार संघका केन्द्रिय अध्यक्ष राकेशकुमार मिश्र, सदस्य योगराज चौधरी ( योगेश) ले रक्तदान गरेका छन् ।

यसैगरी रेडियो कृष्णसार एफ.एममा कार्यरत कुशल विक, नेपाल स्वयमसेवी रक्तदाता समाज बाँकेका अध्यक्ष दिला शाह, नेपालगन्ज उप–महानगरपालिका वडा नं.१० का स्वास्थ्य शाखाका इन्चार्ज भागीराम चौधरी, स्वास्थ्यकर्मी धर्मेन्द्र सिंह, रिनु खत्री र लक्ष्य बहादुर विकले पनि रक्तदान गरेका छन् । कार्यक्रममा प्रादेशिक रक्तसंचार केन्द्र नेपालगन्जका प्रमुख रेग्मी, सोम प्रकाश सापकोटा, महेशराना क्षेत्री, हिरा बिक, बैकुण्ठ रेग्मी र बीरेन्द्र योगीले प्राविधिकमा सहयोग गरेका शतक रक्तदाता पवन जायसवालले बताए ।