नेपालगन्जः चैत १५ गते तीनकुनेमा राजावादीहरूको आन्दोलनमा जलेको अवस्थामा मृत भेटिएका एभिन्युज टेलिभिजनका २९ वर्षीय पत्रकार सुरेश रजकको शरीरमा गोली नलागेको पोस्टमर्टम रिपोर्टमा खुलेको छ।

भिडिओ एक्सरे गरेर पनि हेरिएको र शरीरमा कतै गोली नदेखिएको त्रिवि शिक्षण अस्पतालका फरेन्सिक मेडिसिन विभागका प्रमुख डा गोपाल चौधरीले जानकारी दिए।

‘पोस्टमर्टम गर्नुअघि भिडि‌ओ एक्सरे गरेका थियौं। कतै गोली लागेको भेटिएन उनले भने-‘उनको मृत्यु फोक्सोमा धुँवा भरिएको कारणले भएको हो। फोक्सोमा धुँवाको कण भेटिएको छ।’

कतिपयले अगाडि मारेर पछि आगो लागाएको हो कि भन्ने प्रश्न गरिरहेका छन्। ‘त्यस्तो होइन, उनी धुँवामा निस्सासिएकै कारणले मृत्यु भएको हो,’ प्रमुख चौधरीले भने।

बुधबार दिउँसो रजकको पोस्टमर्टम गरेर सकिएको छ। उनको आजै अन्येष्टि गरिने भएको छ।