नेपालगन्जः दैलेखको भैरवी गाउँपालिकामा निशुल्क आँखा शिविर गरिएको छ । उक्त शिविरमा ९६ जनाको मोतिबिन्दुको शल्यक्रिया गरिएको छ ।
नेपाल नेत्र ज्योति संघको आर्थिक सहयोग, फत्तेबाल आँखा अस्पतालको प्राविधिक सहयोग र भैरवी गाउँपालिकाको आयोजनामा शिविर भएको हो ।
शिविरमा आएका बिरामी मध्ये ९६ जनामा मोतिबिन्दुको समस्या देखिएपछि नेत्ररोग विशेषज्ञ डा.देवराज भारती नेतृत्वको टोलिले शल्यक्रिया गरेको हो ।
नेपाल नेत्र ज्योति संघबाट नीशा बम तथा भैरवी गाउँपालिकाको तर्फबाट शम्सेर बिष्टको सहभागिता रहेको उक्त शिविर वडा नं. ३ को देउती आधारभूत विद्यालयमा भएको हो ।
