नेपालगन्ज : नेपाल रेडक्रस सोसाइटी बागेश्वरी युवा सर्कल खजुराको अध्यक्षमा पत्रकार खगेन्द्र दाहाललाई चयन गरिएको छ ।
रेडक्रसको बागेश्वरी उप शाखा खजुरा अन्तर्गत बुधबार आयोजित २१ औं स्थापना दिवसका अवसरमा गठित युवा सर्कलको नेतृत्वमा पत्रकार दाहाललाई निर्वाचित गरिएको हो ।
गठित युवा सर्कलको उपाध्यक्षमा लिला गिरी, सचिवमा गम बहादुर डांगर, उप सचिवमा प्रकाश शाह, कोषाध्यक्षमा तुला खत्री, उप कोषाध्यक्षमा सिता वि.क चयन भएका छन् ।
यस्तै सदस्यहरुमा गौरव सापकोटा, लिला भट्टराई, यम बहादुर विष्ट, सुस्मिता क्षत्री सर्वसम्मत निर्वाचित भएका छन् । एक जना कार्यसमिति सदस्य र सल्लाहकारलाई पछि मनोयन गरिने नव निर्वाचित अध्यक्ष दाहालले जानकारी दिए ।
