कोहलपुर: बाँकेको कोहलपुरमा बसले मोटरसाइकललाई ठक्कर दिदा एक जना असिस्टेन्ट फर्मासिस्टको मृत्यु भएको छ ।
कोहलपुर नगरपालिका-१० हाईस्कुल नजिकै रहेको कौसिल्या अस्पताल प्रालिमा कार्यरत असिस्टेन्ट फर्मासिस्ट मनिषा रोकायको उपचारका क्रममा भारतको लखनउमा मृत्यु भएको प्रहरीले जनाएको छ ।
उनका श्रीमान् २१ वर्षीय तेज बिक्रम मल्लको पनि लखनउमै उपचार भैरहेको छ । उनको अवस्था खतरामुक्त रहेको चिकित्सकले बताएका छन् ।
काठमाडौंबाट बर्दिया जाँदै गरेको भे १ ख ३७०९ नम्बरको बसले भे १३ प ६१४० नम्बरको मोटरसाइकललाई बालबिधा चोक नजिकै बुधबार बिहान ९:३० बजे तिर ठक्कर दिएको थियो। चालक र बसलाई प्रहरीले नियन्त्रणमा लिएको जनाएको छ ।
बाटो क्रस गर्ने क्रममा बसले मोटरसाइकललाई ठक्कर दिदा घटना भएको प्रहरीले जनाएको छ ।
