नेपालगन्जः सांसद शोभा ज्ञवालीले बर्दिया जिल्ला अस्पतालमा आइसियू सेवा सञ्चालन गराउनका लागि सरकारको ध्यानाकर्षण गराउनुभएको छ ।
आजको प्रतिनिधि सभाको बैठकको शून्य समयमा बोल्दै सांसद ज्ञवाली सरकारलाई उक्त विषयमा ध्यानाकर्षण गराउनुभएको हो । त्यस्तै बर्दिया जिल्ला अस्पतालमा ९ जना चिकित्सकको दरबन्दी कायम रहेकोमा सबै पद रिक्त रहेकोले अस्पतालमा छिटो भन्दा छिटो चिकित्सकको व्यवस्था मिलाउन उहाँले माग गर्नुभयो ।
अस्पतालमा डायलासिस सेवा सञ्चालनमा आएको छ । तर बाल रोग विशेषज्ञ हुँदा हुँदै पनि एनआईसियूको व्यवस्था नभएकोले उपचारमा कठिनाई भएको छ। उहाँले यथासिघ्र ती समस्या समाधानका लागि सम्बन्धित निकाय र सरकारको ध्यानाकर्षण गराउनुभयो ।
