नेपालगन्जः प्रजातान्त्रिक उद्योगी व्यवसायी संघ नेपालगन्ज नगर कार्यसमितिले वृह्त रक्तदान कार्यक्रमको आयोजना गरेको छ ।
विश्व रक्तदाता दिवसका अवसरमा यही ३२ गते शुक्रबार नेपालगन्जस्थित स्वस्तिक कटेजमा वृह्त रक्तदान कार्यक्रमको आयोजना गरिएको नगर अध्यक्ष शिव प्रसाद दाहालले जानकारी दिनुभयो ।
रक्तदान नै जीवन दान हो भन्ने मुख्य नाराका साथ रक्तदान कार्यक्रमको आयोजना गरिएको दाहालको भनाइ छ । बढ्दो गर्मीका कारण जिल्लामा रगतको अभाव छ ।
यस्तो अवस्थामा कुनैपनि नागरिक रगत नपाएरै मृत्युवरण गर्न नपरोस् भन्ने उद्देश्यले रक्तदान कार्यक्रम आयोजना गरिएको पनि नगर अध्यक्ष दाहालले बताउनुभयो ।
